අපේ මිනිසුන්ගේ මනුස්සකම

සිත්තමක් ජීවිතය

සන්තකයේම තබා ගන්න
සියල්ලක්ම පොදි බැදගෙන
ලොවක් තරම් ආශාවන්
මෙරක් තරම් ලෝබකමින්
ජිවත් වෙන අපේ කාලේ
...............................
හුගක් වටින තෑගි ලැබුන
අත් ඔරලෝසුව
තව කෙනෙකුට ලබා දුන්න
ඒ අතිනුත් තව අතකට
එයාගෙනුත් තව කෙනෙකුට
යලිත් වරක් වෙන කෙනෙකුට
තෑගි දෙන්න හිතක් ආව
හරි පුදුමයි තාමත් රැදී
අපේ මිනිසුන්ගේ මනුස්සකම
හරි පොහොසත් බෝසත් කම

..........................
ප .ලි .

තැපැල් දෙපාර්තමේන්තුවේ ඉහල නිලධාරියකුට බොහොම වටිනා  ඔරලෝසුවක් තෑගි ලැබිලා තිබුණා .ඒක ගොඩක් වටිනවා .එයාට ඒ වෙනකොටත් ඔරලෝසුවක් තියෙනවා එතින් එයාට තිබුණා එක තියාගන්න නැත්නම් විකුණන්න එත් එය එක එයාගේ තව යාලුවෙක්ට තෑගි දෙන්න හිතුවා ..හරි පුදුම දෙයක් වුනේ තෑගි ලැබුන ඔරලෝසුව හම්බවුන  අනිත් නිලධාරියා අත්  ඔරලෝසු පාවිච්චි කරන්නේ නැහැ .එයත් මහා පුදුම දෙයක් කරා  .එයාගේ කන්තෝරුවේ තව කෙනෙක්ට එය අර වටිනා ඔරලෝසුව තෑගි කරා .දන්නවද තෑග්ග හම්බුනා කෙනා මොකද්ද කලේ කියල. එයාගේ තාත්තා අසයි ඔරලෝසු බදින්න ..එයට එක මතක් උන එයා අර ඔරලෝසුව එයාගේ තාත්තට දුන්න ..හරිම පුදුමයි නේද ..හැමෝම තමන්ගේ කියල හැමදේම අවශ්‍ය දෙයි අනවශ්‍ය දෙයි පොදි බදාගන්න,බදාගන්න හිතෙන එහෙම කරන මේ ලෝකේ අර රත්තරං මිනිසුන්ගේ  ක්‍රියාව ..වටිනවා නේද කියල හිතුන ..

මේ උපහාරය ඒ රත්තරන් හිත වලට 

විජය ගැන මගේ ඇත්තම

බුදු සරණයි සියලු දෙවි දේවතාවන්ගේ පිහිටයි ආරක්ෂාවයි ......
මම සාමාන්‍ය යෙන් සිංහල කොමඩි බලන්නේ නැහැ බලන්න දෙයකුත් නැහැ ..ඒවායේ ජෝක්ස් තියෙනවද ..මම ලගදි අම්මිලා එක්ක බලන්න ගත්තා PEOTV එකෙන් සුපිරි අන්දරේ කියලා ටෙනිසන්ගේ ෆිලුමක් ...ඇත්තටම හිතුවේ හැමෝටම පොඩ්ඩක් හිනාවෙලා බලන්න පුළුවන් වේවි කියලා ...අනේ මන්ද අපිට හිනහ ගියා හොදටම ඒ ෆිලුමේ සිනහ වෙන්න තියෙන්නේ කොතනද කියලා ..මම ලියන්න ගියේ මට ලියන්න ඕනි වුනේ ..වැටි වැටි දුවන දෙපැත්ත කැපෙන වචන කියන ..සරම කලිසම ගැලවිලා වැටෙන එකම සීන් එක එක එක විදියට තියෙන ලංකාවේ කොමඩි වලට අරුතක් දුන්න වෙනස්ම කෝණයක් දුන්න කපුවා ගැන ..

විජය නන්දසිරි ගැන 

...හිනහ වෙලා බලන්න පුළුවන් කොමඩි කරපු මන් දැක්ක හොදම නළුවා තමා එයා ..බන්දුලා ටෙනිලා ගැන මන් වැරද්දක් දකින්නේ නැහැ ..එයාලව ඒ විදියට කොටු උනේ ලංකාවේ සිස්ටම් එකේ වැරද්දක්.. මන් දකින්නේ එහෙම ..කෝම වුනත් මොකක් හරි රස විදලා මිනිහෙක්ව හිනස්සන්න කාටවත් බැ ..ඒක ඇත්තක් .. 

එකයි විජය වටින්නේ ..ඔවු ඇත්තටම මන් හිනා වුණා ..මට හිනහ ගියා ..සුහද කොකා ෆිලුමේ කියුව බුදු සරණයි සියලු දෙවි දේවතාවන්ගේ පිහිටයි ආරක්ෂාවයි ....ඒ වචනෙම කියන්නම් යුගයේ නළුවනෙනි .......

...සමාජේ තියෙන ප්‍රශ්න වලින් හෙම්බත් වෙලා කදුලටම හුරුවුන ජිවිත වලට එක මොහොතකට හරි සිනහ වෙන්න ලබා දුන්න කියන්නෙම මහ පිනක් ..

ඔබට නිවන් සුව ....

අද මන් ජිවත් වෙන අන්තිම දවසනම්

ගොඩාක් දවසකින් එන්න හිතුනා ..වෙනසකුත් එක්ක ..අද මන් ජිවත් වෙන අන්තිම දවසනම් ඇත්තටම මන් මොනාද කරන්නේ ..මට එහෙම හිතුනේ ඇපල් එකේ ලොකුම කෙනා කරපු කතාවක් බලලා . සමාවෙන්න මට නම මතක නැහැ ..එයා කියුව දේ මගේ හිතට ගොඩාක් දැනුනා .. ඇත්තටම අපි දවසක මැරෙනවා ඒක නියතයක් ..එත් හිතන්න ඒ දවස අදනම් ...පොඩ්ඩක් කල්පනා කරලා බලන්නකෝ අද ඔයා ජිවත් වෙන අන්තිම දවසනම් මොනාද කරන්නේ ...මන් ඒ විදියට හිතන්න ගත්තා අද ...ඇත්තමයි මුළු ලෝකයම ගැන ලොකු ආදරයක් දැනෙනවා ..ජන්මාන්තර හතුරා ගැන උනත් ආදරයක් හිතෙන්නේ ..
හරිම ලස්සනට ලෝකයම පේනවා ..පොඩ්ඩක් විදින්නකෝ එහෙම හිතුනම ලෝකයම පේන විදිය අපි ලගම ඉන්න අය ගැන දැනෙන විදිය ..නිකමට මන් කියුවටම නෙවෙයි හිතල බලන්නකෝ ..හැමදාටම එහෙම හිතලා ඉන්නවනම් අපි හැමෝම මුළු ලෝකයම ලස්සන වේවි ..අපෙත් ජීවිතය හුගාක් ලස්සන වේවි ..හැමදාම දකින පාරක  ගස් කෝලන් වල  කදු යායක  ..ගිනි රස්නේ අවු කස්ටෙක , මද වැස්සක , සුළං පොදක ,නිතර දකින යහළුවන් දෙමවුපියන් සොහොයුරන් නෑදෑයින් ..හැම මනුස්සය්යෙක් ගැනම සතා සීපාවා ගැනම ගහක් කොලක් ගැනම , මුළු ලෝකයම ගැන අපරිමිත සියුම් දෙයකින් ජීවිතය දැනේවි ..මහා ලෙන්ගතු කමකින් හිත පිරේවි ..විදින්න තිබ්බ ලස්සනම ජිවිතයක් අත ඇරලා කොහේදෝ නැති දේවල් වලින් ජීවිතය බොරුවට පුරවා ගත්ත නේද කියලා හිත රිදුම් දෙන දුකකින් හිත පිරිලා යාවි ..හිතන්නකෝ ගෙවුන කාලය පුරාම අපි කි දෙනෙක් නම් අඩවන්න ඇතිද .උදවු කරන්න පුළුවන් කම තියෙද්දී කොයි තරම් නම් මග ඇරලා ඇතිද .. ඔය හැමදේම එකින් එක මතක් වේවි ...එකයි විදින්න මොහොතකට ....ඇත්තමයි මං විදින මේ මොහොත විදින්න කියලා අහිංසක ඉල්ලීමක් කරනවා මන් ..

ටිකෙන් ටික බිදෙන කල

හැමදේම ඔයාම කරගත්තම මට පෙනුනේ නැහැ වෙන දෙයක් ..මුළු ලෝකයම ඔයා නිසා මන් දැක්කේ මන් වින්දේ හැම දෙයම ඔයාවම හිතේ තියාගෙන ..එත් දැන් දැන් මට දැනෙනවා මට තේරෙනවා ඔයාගේ ලෝකෙත් මන් ඉන්නවා එත් පුංචිම තැනකින් ඒක ආත්මීය ද නැද්ද කියලා දන්නෙත් ඔයාමයි ..මන් අහනවා හුගක් සැරයක් එත් ඔයා කියනවා නැහැ මං එහෙම වෙනස් නැහැ කියලා එහෙම කියන ගමන්ම වෙනදට නැති ඔයාගේ වෙනස් කම් මට දැනෙනවා ..මං  ආපසු හිටිය තැනමයි ..එත් ටිකෙන් ටික මටත් කියලා ජිවිතයක් තියෙන්න ඕනි කියලා මට හිතෙන්න ගත්තේ ඔයාගේ ඔය වෙනස නිසාමයි ..

ටිකෙන් ටික බිදෙන කල
ආදරය ලග තිබුන ...
දනිමි මම ලග දිනක
යන බවක් මගෙන් දුර ..
හදාගන්න බිදෙන් බිද ..
නුබෙන් තොර මට ලොවක් ...
ගොඩක් පිං නුඹේ ඔය
බිදෙන් බිද හැර යාම ....

දිනක සතුටට

දිනක සතුටට
හේතු වූ නුඹ
කදුළු දුක ගෙන
ආ  අපුරුව ....

මියෙන නොමියෙන
හීන පාකර
යලි යලිත් හිත
පාරවන  කල ....

දුකද සතුටකි
මතක් වෙන කල
ගෙවුණු කාලය
මැකී බොද වුන

මේ පිටුව මා ලියන

මා ලියන මා බලන
කිසිවෙකුත් නොම බලන
ම විසින්ම සියක්වර
මටම ගුණ දොස් වයන
මගේ දුකට
පමණක්ම
මටත් මතකෙට නැගෙන
සත්තමයි ආදරෙයි
මේ පිටුව මා ලියන 

ගුරුතුමිද නුඹම විය

නින්ද නැති රාත්‍රියක
සිතුවිල්ල නුඹම විය
නිදින පැය කිහිපයේද
සිහිනයත් නුඹම විය ..
මසිත ගත් හැමදෙයම
මා වින්ද ඒ සැමදෙයම
නුඹම විය නුඹම විය ...

මතක මන්දිර තැනුව
තනුව නැති ගී ලියුව
හදේ මුළු සතර දිග
ජීවිතය නුඹම විය

මද සුළගේ පාව එන
මදනලක හාද උන
ජීවිතය කියා දුන්
ජීවිතය නුඹම විය


කදුළු මත දිවි ගෙවන
නුඹ නැතිව මා සොයන
ආදරය පසක් කල
ගුරුතුමිද නුඹම විය